Шкупи ја завери есенската титула во Велес

Екипата на Шкупи е есенски првак во домашното фудбалско првенство со 42 бода од 18 рунди и потврди дека е на прагот на шампионски резултати во тековната сезона. 

Чаирчани есенскиот трофеј го потврдија со убедлива победа од 3-0 на гостувањето во Велес против домашниот Борец. 

 

 

Лидер во победата на гостите од Скопје беше  Адетуњи со два гола (20 и 70 минута)  додека еден постигна Ѓорѓиевски (86 минута).

 

Втор на табелата на полусезонска пауза ќе оди тимот на Академија Пандев. Попладнево во Струмица домашните со голот на Бихорац во 90 минута славеа триумф од 1-0 против екипата на Пелистер и со 35 бода ќе презимат како второпласирани.

 

Ист број бодови, но со послаба гол разлика е и тетовска Шкендија која денеска со 1-0 славеше против тимот на Скопје. Стрелец на единствениот гол вреден 3 бода за тетовци беше Гури во 69 минута.

 

Во  Градски парк во Скопје  Македонија ЃП со 2-1 како гостин славеше против тимот на Работнички.

 

Мечот Струга – Ренова е одложен за во среда поради знежните услови на брегот на Охридското езеро. 

 

Вчера Тиквеш-Брегалница 1-3.

 

 

Следното коло во ПМФЛ е закажано за 13. февруари 2022 година.

Фото: ФК Шкупи