Цената за тутунот ќе го одреди производството во иднина

Оваа година ќе биде клучна за тутунопроизводството во Македонија , предупредуваат производителите на тутун од струмичко. Колку и дали во иднина ќе се сади оваа култура ќе зависи  од цената и текот на откупот, вели Марјан Трајков претседател на сојузот  на тутунопроизводители.  Како резултат на економската криза и зголемените цени  пораснале и трошоците за производство кои наместо 180 денари како што било минатите години, сега во просек изнесувале  помеѓу 230 до 240  денари за килограм произведен тутун. За да им се исплати трудот очекуваат просечна цена од 300 денари.

Според Трајков, очекувањата за повисоки просечни цени се реални бидејќи годинава  производството било со одличен квалитет. Благодарение на поволните временски услови очекуваат и поголеми приноси  и покрај тоа што оваа година има засадено помали површини.

Последните неколку години производството на тутун во струмичкиот регион бележи намалување за околу 30%. Според првичните проценки годинава се очекува да бидат предадени околу 1 милион и 800 000 килограми.