Остануваат уште четири слободни места за 1/8-финалето во Лигата на шампионите

Само уште четири слободни места остануваа за осминафиналната рунда во фудбалската Лига на шампиони.  Ова откако беше комплетирано претпоследнот коло во групната фаза, по која неколку гиганти и теоретски ги загубија шансите за место во нокаут фазата.

 

За прв пат по повеќе од 20 години, Шпанија ќе има само еден претставник во нокаут рунда во Лигата на шампионите и тоа во името на актуелниот првак Реал Мадрид.  Откако во вторникот Севиља ги загуби своите шанси, истото се случи со Барселона и Атлетико Мадрид. 

 

Судбината на Барса беше навидум јасна уште по поразот од Интер на домашен терен, а италијанскиот тим и дефинитивно ја запечати со победата над Викторија Плзен со 4-0, па синоќешниот пораз на Барса на „Камп Ноу“ од Баерн со 3-0, беше  само формалност и потврда за елиминацијата на шпанскиот гигант, кој втора година во низа ќе игра во Лигата на Европа. 

 

А, за место таму пак ќе треба да се избори Атлетико Мадрид. Популарните „јорганџии“ сами си ја запечатија судбината. Во два наврати имаа негатива во дуелот со Баер Леверкузен, но и голема шанса да стигнат до комплетен резултатски пресврт. Сепак, на разочарување на домашната публика, најстрогата казан во деветтата минута од судиското дополнение, не успеа да ја реализира Караско, а веднаш по него и  Саул односно Мандава, кој пред самата гол линија го погоди својот соиграч.

 

Така од Б групата, Бриж и Порто се тимовите кои ќе играат во осминафиналето во кое од А групата патници меѓу шеснаесетте најдобри се Наполи и Ливерпул.

 

Најголема битка ќе се води во Ц конкуренцијата во која сите четири екипи сеуште имаат можност за осминафинале. Ова откако Ајнтрахт со 2-1 го совлада Олимпик Марсеј, а Тотенхем и Спортинг Лисабон одиграа без победник 1-1. Сега Тотенхем има 8 бодови, еден повеќе од Спортинг и Ајнтрахт, а два повеќе од Марсеј, па во последното коло нивните дуели ќе решаваат за конечниот поредок на табелата. 

 

Последната рунда во групната фаза во Лигата на шампионите на програмата е веќе во вторник и среда.