Студентите излегоа на протест – „Да си ги замениме оброците“ им порачаа на пратениците

Студентите ја добија битката во парламентот. Нивните барања се прифатени. Субвенциониран оброк со повисок износ, учество во работните групи за носење на измените кои ги засегаат студентите, подобрување на условите во домовите.

Премиерот вети повисок стандард за студентите и посочи дека Владата ќе се залага македонските студентити да добијат услови како нивните врсници во државите од ЕУ.

Од ВМРО ДПМНЕ инсистираат да се прифати нивниот предлог закон кој ги опфаќа сите барања на студентите а го доставиле уште на почетокот од ноември.

Инаку протестот беше организиран од движењето студентски отпор на кои поддршка дадоа од сите студентски организации.