Струмица добива електрифициран градски превоз

Струмица ќе биде првата општина на Балканот со целосно електрифициран јавен превоз. Одлуката за формирање на новото јавно претпријатие за транспорт веќе е донесена, а наскоро треба да бидат набавени и новите автобуси. Според информациите од првиот човек на општина Струмица, техничкиот дијалог веќе е во завршна фаза и во текот на оваа недела се очекува да биде објавена јавната набавка на 10 еколошки електрични автобуси.

Новиот проект за целосно електрифициран јавен превоз го поддржаа и од министерството за животна средина од каде за следната година најавија дополнителна поддршка во опрема за новите автобуси.

Според најавите, со јавниот превоз превоз нема да биде опфатен само општинскиот центар туку сите населени места во општината.  Освен што ќе значат помало загадување на амбиенталниот воздух, електричните автобуси треба да придонесат и за поефтин превоз на граѓаните.