Независниот синдикат на здравствени работници излегува на протести

Белите мантили излегуваат на протести за достоинствени плати. Од независниот синдикат повеќе пати до сега бараа слух кај надлежните за нивните барања. Зголемување на платите за 30%, нов колективен договор, бенефициран работен стаж, зголемување на инфективниот додаток од 1 на 4% и вработување на медицинските лица кои со години се со договор на дело. Последниот состанок со надлежните завршил без резултат, револтирани организираат низа протести и марш кој ќе се одржи на 2 декември.

Понудија и решенија преку кои сметаат дека министерството може да ги обезбеди овие средства.

Во услови кога западно европски држави постојано бараат медицински кадар кој добро ќе го платат, во Македонија над 2000 млади лица работат со договор на дело. Од нив само 240 се во здравствените установи во главниот град.

Последно од Министерството за здравство информираа дека годинава веќе два пати им биле покачени платите на здравствените работници, како и исплатата на регрес. Според министерот, буџетото не дозволува повеќе и за тоа ги информирал сите синдикални организации.