Трамп: Никој да не ги зголемува цените на нафтата

Претседателот на САД, Доналд Трамп, денес истакна дека никој не смее да ги покачува трошоците за нафта и подвлече дека ја надгледува состојбата. Тој го повика Министерството за енергетика на САД да продолжи со истражувањето на сопствените нафтени резерви.

„Сите, држете ги цените на нафтата ниски. Ве гледам! Не сфаќате дека она што го правите е во корист на непријателот. Не го правете тоа“, напиша Трамп на платформата Truth Social.

Во својата објава за цените на нафтата, Трамп ја изрази својата надеж дека овие трошоци нема да растат, поради загриженоста дека актуелниот судир на Блискиот Исток би можел да предизвика нивно зголемување.