Ли: Кина и САД мора да пронајдат вистински начин за соработка во новата ера

Кинескиот премиер Ли Чијанг изјави дека Кина и САД, гледајќи кон иднината, мора да го пронајдат вистинскиот начин да се согласуваат во новата ера, објави денеска Кинеската медиумска група (China Media Group).

Ли ова го изјави синоќа за време на состанокот со пријателски организации во САД, вклучувајќи ги претставниците на Бизнис советот на САД и Кина, Националниот комитет за односи меѓу САД и Кина, Американската стопанска комора и Советот за надворешни односи, како и научници и бизнис лидери, на маргините на општата дебата на 80-тото заседание на Генералното собрание на Обединетите нации.

- Односите меѓу Кина и САД се најважните билатерални односи во светот, рече Ли, додавајќи дека двете земји можат и треба да бидат партнери и пријатели.

Тој рече дека пријателската размена меѓу Кина и САД се главна тема и општ тренд, и го цитираше кинескиот претседател Си Џинпинг кој рече дека „огромниот Тихи Океан е доволно широк за да ги опфати и Кина и САД, како и другите земји“.

- Како две главни земји во светот, Кина и САД треба да се почитуваат меѓусебно, да коегзистираат во мир, да се стремат кон меѓусебно корисна соработка и да постигнат меѓусебен просперитет преку меѓусебен успех. Економските и трговските односи се важна компонента на билатералните врски, заклучи Ли.

МИА