Засилени контроли на АХВ: 60 казни и уништени над 600 килограми небезбедна храна

Во пресрет на новогодишните и божиќните празници, инспекциските служби на Агенцијата за храна и ветеринарство (АХВ), со цел обезбедување на висок степен на заштита на здравјето на потрошувачите, покарј редовните, спроведува и засилени, вонредни контроли кај сите оператори со храна. Акцент во овој временски период ставен беше на операторите организираат предновогодишни и новогодишни прослави и во месарници, месарници со работилница, рибарници и други специјализирани продавници за храна од животинско потекло, каде периодов има поголема зголемена побарувачка и потрошувачка на храна. 

На територијатата на цела држава спроведени се вкупно 423 надзори кај во гостилници и ресторани и 228 вонредни контроли кај оператори со храна од животинско потекло, на целатата територија на државава. Генералните неусогласености утврдени со контролите се однесуваат на неспроведени задолжителни здравствени прегледи на вработените лица, неусогласености во однос на хигиенските и микробиолошките барања за безбеднсот на храна и вода, нерегистрирани правни лица како оператори со храна во АХВ Кај неколку оператори  најдена е небезбедна храна и храна со поминат рок, утврдено е несоодветно складирање и селектирање на храна, нередовно ажурирање на записите за Добра хигиенска, Добра производствена пракса и HACCP, неспроведена дезинфекција, дезинсекција и дератизација во објектите, како и неземени мостри од храна за лабораториско терстирање, производи без декларации и со нецелосни и нејасни декларации и други помали недоследности , за што се издадени соодветни решенија.

Со спроведените контроли и утврдените недоследности изречени се 60 парични казни во вредност од над 33 илјади евра во денарска противвредност за операторите и одговорните лица во нив. Изречени се и соодветни опомени и издедни решенија со наредби за отстранување на утврдените недослдности. Како небезбедни, уништени се над 624 килограми небезнедна храна, од кои 567 килограми производи од месо. 

Како одговорна институција, апелираме до граѓаните во пресрет на новогодишните празници, храна да купуваат храна од одобрени и регистрирани објекти кои ги имаат имплементирано системите за безбедност на храната, да внимаваат на означувањето на производите како и на тоа каде тие се чуваат. Во домаќинствата важно е да се внимава на хигиената, подготовката на храната и нејзино чување на соодветна температура.