Јокиќ останува уште надвор од теренот

Играчот на Денвер Нагетс, Никола Јокиќ ќе мора да почека со своето враќање на теренот. Јокиќ веќе пропушти седум натпревари, а според американските аналитичари почетокот на февруари е можниот термин за враќање на трикратниот МВП играч.

-Никола Јокиќ и Кем Џонсон и двајцата имаат проблеми со повреди на колената, истакна Марк Стејн.

Јокиќ се повреди кон крајот на декември го повреди коленото и првичните процени беа дека ќе отсуствува околу четири недели. Ако не се врати на терен во месец јануари Јокиќ ќе прескокне 11 натпревари што значи дека нема да има 65 натпревари колку се потребни за да биде во конкуренција за МВП наградата на крајот од сезоната.

МИА