Цртеж на Микеланџело од пред 500 години, продаден за 27,2 милиони долари

Скица на стапало, без боја, без потпис од пред повеќе од пет века, нацртана од ренесансниот уметник Микеланџело Буонароти, е продадена за неверојатни 27,2 милиони долари (скоро 23 милиони евра), поставувајќи рекорд на пазарот на уметнички дела.
Аукциската куќа „Кристи'с“ го опиша делото како „еден од најретко зачуваните цртежи од еден од најголемите уметници на сите времиња“. Токму оваа реткост, имајќи предвид и дека помалку од 600 цртежи на италијанскиот уметник се зачувани, драстично ја зголемила вредноста на скицата. Станува збор за редок цртеж изработен со црвена креда, за којшто експертите веруваат дека е создаден како подготовка за фигурите од познатата слика „Систинска капела“.
Цртежот бил во приватна сопственост и со десетлетија не бил препознаен како автентично дело на Микеланџело, сè додека деталните анализи не го потврдиле неговото потекло.
Историчарите на уметноста нагласуваат дека ваквите студии имаат неизмерна вредност, бидејќи го откриваат процесот на размислување и работата на ренесансниот гениј. Токму во овие „незавршени линии“ е скриена суштината на дарбата на уметникот - движење, анатомија и совршенството на обликот.
Во време кога дигиталната уметност, но и ВИ земаат замав, овој настан јасно покажува дека класичната уметност не ја губи својата моќ, според познавачите. Напротив, скица на стапало стара со векови, сѐ уште - станува повредна со текот на времето.
Ново на Сител
-

Приведени девет возачи, петмина управувале возило без положен возачки испит
-

Безживотно тело на 38-годишен маж со прострелна рана пронајдено кај Смилковци
-

Мицкоски: Даваме сè од себе да реализираме проект повеќе и да создадеме подобри услови за живот на граѓаните
-

Франција стравува од ескалација на протестите, 70.000 полицајци и жандарми распоредени на улиците
-

54-годишник од Куманово истурил две шишиња бензин во семејниот дом и се заканувал дека ќе ги запали ќерката и внуката
-

Медведев против Зверев во полуфиналето на завршниот АТП турнир
-

Кривична за две лица осомничени за кражба – Полицијата пронашла украден мебел, радијатори и бела техника
-

МВР: Приведени две лица во Струга, едниот управувал возило со претходно изречена забрана, додека кај сопатникот пронајдена е дрога
