Пукаа од мотор кон група луѓе: Двајца осомничени за убиството на 26-годишниот скопјанец на „Пластичарска“

СВР Скопје поднесе кривична пријава против Р.К. и И.С. поради основано сомнение дека сториле кривично дело „убиство“, информира Министерството за внатрешни работи.

Пријавата се однесува на пукањето што се случи на 6 септември околу 23:30 часот, во близина на раскрсницата меѓу улиците „Прохор Пчински“ и „Војдан Чернодрински“ во Скопје.

Според МВР, од мотоцикл на кој имало две лица било пукано со огнено оружје кон група луѓе.

Во пукањето бил погоден 26-годишниот А.М. од Скопје. Тој со возило на Итната медицинска помош бил пренесен во Комплексот клиники „Мајка Тереза“, каде што подоцна починал.

По преземените мерки и активности, Единицата за насилен криминал – Одделението за крвни и сексуални деликти при СВР Скопје поднело кривична пријава против двајцата осомничени до Основното јавно обвинителство Скопје.