Во Кривичен суд продолжува судењето за „Државна лотарија“

Со продолжение на доказната постапка во Основниот кривичен суд Скопје денеска продолжува судењето за предметот „Државна лотарија“, во кој се обвинети поранешниот прв вицепремиер, Артан Груби, поранешниот директор на АД „Државна лотарија“, Перпарим Бајрами, и уште шест лица.
Јавното обвинителство на едно од претходните рочишта презентираше обемна документација поврзана со работењето на АД „Државна лотарија“, набавката на видеолотариски терминали и односите со странскиот партнер „Казинос Аустриа“.
Обвинителството презентираше договори за заедничко вложување и основање на „Државна видео лотарија на Република Македонија – Казинос Аустриа ДОО Скопје“ од 2013 година, владини одлуки, стенографски белешки и записници од седници на Владата, како и документација поврзана со програмата за работа на АД „Државна лотарија“ за 2023 година.
Како дел од доказниот материјал беа изведени и финансиски документи, меѓу кои девизни налози, банкарски изводи, аналитички картички на економски оператори, фактури, сметки и испратници поврзани со набавката на видеолотариските терминали.
Беа разгледани и известувања од странскиот содружник доставени до Владата, во кои се третираат прашања поврзани со правото на приредување електронски игри на среќа и функционирањето на заедничкото друштво.
Бранителите на обвинетите, на изминатото рочиште ги изнесоа своите забелешки на доказите предложени од Обвинителството. Притоа беа отворени прашања поврзани со толкувањето на договорните односи со странскиот партнер, обемот на правата за приредување игри на среќа, како и околностите поврзани со набавката и користењето на автоматите за игри на среќа.
Во предметот „Државна лотарија“, покрај Груби и Бајрами, обвинети се и Башким Авди, Методија Димовски, Скендер Мехмети, Бојан Јанев, Фатмир Рамадановски и Александар Димитриоски.
Според обвинението, тие со пречекорување на службените овластувања предизвикале штета на АД „Државна лотарија“ во износ од 596.125.511 денари.
Сите обвинети во досегашниот тек на постапката се изјаснија дека не се чувствуваат виновни.
Обвинението го застапуваат јавните обвинители Даниел Коцев и Александар Давчевски, а судската постапка ја води судијката Билјана Шуплиновска-Јовевски.
МИА
Ново на Сител
-

Koшта: Проширувањето на ЕУ служи за зајакнување на Европа, како отпорна економска сила и сила за мир
-

Измамници ја користат видео играта GTA VI за да крадат пари и податоци од гејмерите
-

Побаран притвор за охриѓанецот кој ја претепа својата девојка - се товари за три кривични дела
-

Мицкоски со осуда за нападот врз девојката во Охрид: Ќе сториме сè сторителот да одговара пред правдата
-

Попладнево повторно приведен Корабоски – нови околности во случајот
-

Чеферин гостин на Омерагиќ, заедно ќе го следат дуелот Македонија – Словенија
-

МФ: Јавниот долг во 2027, во согласност со ревидираните податоци за БДП, нема да го надмине прагот од 60%
-

Родителите со две ќерки се најсреќни, покажува научна студија на речиси 50.000 луѓе
