Нарачал 700 грама хашиш од Шпанија да му стигне по пошта во Тетово, го чекале да ја подигне па го уапсиле

Царинските службеници откриле 700 грама хашиш во поштенска пратка пристигната од Шпанија, која била нарачана од македонски државјанин од Тетово.
Пратката била селектирана за детална контрола во ЦИ Пошти. При отворањето, во неколку херметички затворени кеси биле пронајдени седум пакувања со зелена цврста материја.
На местото бил повикан тим од Одделението за оперативни работи, а царинско куче детектирало присуство на дрога. Со дополнително тестирање било потврдено присуство на ТХЦ.
Кога Р.В. од Тетово ја подигнал пратката, бил приведен од инспектори од Одделението за истраги.
По налог на јавен обвинител, пронајдената материја била испратена на вештачење, при што било утврдено дека станува збор за хашиш со вкупна тежина од 700 грама. Дрогата е запленета.
Против лицето е поднесена кривична пријава до надлежното јавно обвинителство за „неовластено производство и пуштање во промет на наркотични дроги, психотропни супстанци и прекурсори“.
Од Царинската управа посочуваат дека борбата против сериозниот криминал останува еден од нивните највисоки приоритети.


Ново на Сител
-

Koшта: Проширувањето на ЕУ служи за зајакнување на Европа, како отпорна економска сила и сила за мир
-

Измамници ја користат видео играта GTA VI за да крадат пари и податоци од гејмерите
-

Побаран притвор за охриѓанецот кој ја претепа својата девојка - се товари за три кривични дела
-

Мицкоски со осуда за нападот врз девојката во Охрид: Ќе сториме сè сторителот да одговара пред правдата
-

Попладнево повторно приведен Корабоски – нови околности во случајот
-

Чеферин гостин на Омерагиќ, заедно ќе го следат дуелот Македонија – Словенија
-

МФ: Јавниот долг во 2027, во согласност со ревидираните податоци за БДП, нема да го надмине прагот од 60%
-

Родителите со две ќерки се најсреќни, покажува научна студија на речиси 50.000 луѓе
