Роналдо доби казна од 255 евра - пари кои тој ги заработува за само 39 секунди

Дисциплинската комисија на Фудбалската федерација на Португалија (ФПФ) му изрече на Кристијано Роналдо суспензија од 30 дена и парична казна од 255 евра, откако тој кон крајот на септември непрописно го напушти тренинг-кампот на португалскиот национален тим во Данска.

На неочекуваното заминување на Роналдо му претходеше големо незадоволство поради минутажата што ја добиваше, што на крајот резултираше со конфликт со главниот тренер Жорже Жесус. Тамошните медиуми особено го истакнаа апсурдот на паричната казна, којашто е, најблаго кажано, „смешна“, или чисто симболична.

Ако се земе предвид неговата астрономска плата во саудискиот клуб Ал Наср што изнесува приближно 208 милиони евра годишно – Роналдо заработува 255 евра за само 39 секунди.

Со оглед на тоа што на португалската фудбалска ѕвезда веќе му минаа 19 дена од суспензијата, тој ќе стекне право повторно да настапува за националниот тим уште во ноември – се разбира, доколку тренерот одлучи да го повика.

МИА