Недостига пристап до здравствена заштита во затворите

Доцнат терапии за затворениците, не добиваат редовни или превентивни прегледи, еден лекар опслужува 691 лице што е најмалку двојно повеќе од предвидената бројка која може да се третира.

Во казнено-поправните установи недостига пристап до здравствена заштита, нотира Народниот правобранител во последниот извештај. Како и лани, така и годинава се забележува загрижувачка состојба и сериозен кадровски дефицит. Проблемот е системски и за надминување на овие состојби омбудсманот препорачува итно воведување национлен кадровски модел за навремена и континуирана здравствена заштита.