Од утре повторно температури над просекот и повремен дожд

УХМР најавува дека следува период на променливо облачно време со повремени локални врнежи од дожд со променлив интензитет. 

Од утре, под влијание на јужно воздушно струење, температурите ќе бидат во постепен пораст и повторно над просекот за овој период од годината. Ќе дува умерен до засилен, а од среда повремено силен ветер од јужен правец (над 60 km/h), особено во западните делови. 

Утре попладне и кон крајот на денот насекаде ќе има повремени врнежи од дожд. Ќе дува слаб до умерен ветер од јужен правец. Минималните температури ќе се движат од 4 до 10 степени, а максималните дневни од 8 до 16 степени. Во Скопје ќе биде променливо облачно со повремени сончеви периоди, попладне и кон крајот на денотсо врнежи од дожд. Ќе дува и слаб до умерен ветер од јужен правец. Температурата ќе биде од 6 до 14 степени.

Во вторник температурата во земјава ќе достигне 20 степени, во среда 21, а во четврток 23 степени.

МИА