Од утре забрана за движење во шумите
Од утре (1 јули) ќе стапи во сила забрана за движење во шумите и ќе важи до крајот на август, соопшти Министерството за земјоделство, шумарство и водостопанство.
За непочитување на оваа целосна забрана за движење во шумите и шумското земјиште, како што посочуваат од Министерството, на физички лица кои ќе се затекнати да се движат во шума и шумско земјиште, согласно член 106 од Законот за шумите, ќе им се изрече глоба од 1.500 до 2.000 евра во денарска противредност.
-Министерството за земјоделство, шумарство и водостопанство ја известува јавноста дека согласно насоките од Владата како и барањата од корисниците на шумите - ЈП „Национални шуми“ и Националните паркови кои управуваат со заштитените подрачја, даде согласност за воведување на целосна забрана за движење во шумите и шумското земјиште. Согласност се издава согласно членот 57 став 3 од Законот за шумите, поради зголемена опасност и превенирање од појава на шумски пожари на отворен простор. Целосната забрана за движење во шумите започнува од 01.07.2025 година и ќе трае се до 31.08.2025 година. Движењето во шумите ќе биде дозволено единствено со писмено одобрување издадено од страна на подружниците на ЈП „Национални шуми“ и Националните паркови, соодветно за подрачјето со кои управуваат, соопшти МЗШВ.
Ново на Сител
-
Мицкоски: Нашата сила е во обединетоста и стабилноста преку зајакнување на односите со нашите соседи и со ЕУ
-
Танкер со нафта експлодираше во близина на Либија
-
Почина пешак во Скопје откако во него удри мотоциклист
-
Кошта и Фон дер Лајен го поздравија стартот на Данското претседавање со ЕУ
-
Приведен возач поради сообраќајката на ул. „Ќемал Сејфула“ во Скопје
-
Обвинителство бара притвор за осомничениот за напад врз лекари и полицајци во казино во Битола
-
Раст на каматната стапка на депозитите, намалување кај кредитите
-
Сезонска забрана за градежни активности во центарот на Охрид и долж крајбрежјето