Ова не е шега: Кловнови почнаа да напаѓаат луѓе!

Инвазијата на кловнови во Австрија достигнала ново, прилично застрашувачко ниво.

 

Во австрискиот град Либенфелс човек маскиран во кловн претепал 18-годишна девојка, јавуваат германските медиуми. Нападот се случил во понеделникот околу 5 часот наутро. Девојката била во автомобил, а непознат вооружен маж маскиран во кловн ја застанал и ја претепал.

 

Тој ја извлекол од автомобилот и со лош германски акцент и барал пари. Откако таа му одговорила дека нема, тој ја претепал и побегнал.

 

 

Тинејџерката се здобила со сериозни повреди на главата и итно била префрлена во болница во Клагенфурт.

 

Полицијата се уште не го пронашла напаѓачот, а единствениот опис кој го имале е дека изгледал како кловн.