Паметниот „Епл” прстен наскоро на пазарот

Долгоочекуваниот влез на „Епл” (Apple) во технологијата за паметни прстени е, се чини - при крај, т.е. наводно, технолошкиот гигант се подготвува да ја надмине фазата на патент. Според „Електроник тајмс“ (Electronic Times), производот е подготвен за пазарот.

Интересот на „Епл” за технологијата на паметни прстени датира од пред неколку години. Во 2015 година, „Блумберг“ го претстави патентот што опишува прстен опремен со екран на допир. Следните години се појавија дополнителни наводи коишто предвидуваа и најсовремено далечинско управување врз голем број поврзани домашни уреди, пренесува „Мирор про“ (Mirror Pro).

Неодамнешните податоци откриваат уште еден патент, каде што паметниот прстен има можности за дигитална безжична блиска комуникација - НФЦ. Гласините говорат дека ваков прстен би можел да послужи и како далечинско за слушалките на „Епл вижн про“ (Apple Vision Pro). Сѐ тоа, нудејќи соодветна интеграција во екосистемот.