Папата Лав Четиринаесетти ја осуди ескалацијата на војната во Украина

Папата Лав Четиринаесетти ја осуди наглата ескалација на војната во Украина и изрази сочувство за цивилите убиени во неодамнешните напади.

- Со загриженост ја следам војната во Украина. Војната не ги решава проблемите, таа само ги влошува. Таа не гради безбедност, туку ги удвојува страдањата и омразата – изјави папата пред верниците за време на неделната аудиенција во Ватикан.

-Таму каде што паѓаат ракети и дронови, се уриваат надежите, се уништуваат домови и места за богослужба, а невини животи згаснуваат, нагласи поглаварот на Католичката црква.

МИА