Пиеракакис: Можно е да се соочуваме со најголемата енергетска криза во историјата

Можно е да се соочуваме со најголемата енергетска криза во историјата, доколку Ормуската Теснина не се отвори наскоро. А ако се додадат сите останати елементи, една третина од ѓубривата поминува низ оваа теснина: сулфур, хелиум, нафтени хемикалии. Сè на сè, станува збор за една потенцијално огромна опасност, посочи министерот за национална економија и финансии на Грција и претседател на еврогрупата, Кирјакос Пиеракакис, во интервју за Си-ен-би-си, јави дописничката на МИА од Атина.
Пиеракакис рече дека извршниот директор на Меѓународна агенција за енергија, Фатих Бијрол, актуелната ситуација „ја опиша како потенцијално најголемата енергетска криза во историјата, поголема дури и од трите претходни заедно: двата нафтени шока од 70-тите и руската инвазија во Украина во 2022 година“.
– Податоците ја потврдуваат оваа процена. Ако, на пример, ја анализираме1970 година, вкупната загуба на барели нафта дневно била речиси 10 милиони. Денес, загубата достигнува 13 милиони барели дневно. Ако се земе предвид и природниот гас, трендот е уште поостар отколку во 2022 година. Тогаш, во милијарди кубни метри (BCM), количината се намали од 155 на 80, односно кумулативна загуба од 75. Ако овие податоци се пресметаат на годишно ниво денес, станува збор за загуба од приближно 110 BCM. Затоа, ако се земат предвид сите три случаи, можно е да се соочуваме со најголемата енергетска криза во историјата доколку Ормуската Теснина не се отвори набргу – рече Пиеракакис.
Додаде дека април може да се покаже како попроблематичен од март бидејќи, како што објасни, последните товарни бродови што испловија на 28 февруари се очекува да пристигнат до 20 април, па така „последиците врз пазарите ќе стануваат сè поизразени во наредниот период доколку не се најде брзо решение“.
Нагласи дека најдобро е што е можно побргу да се најде решение, но сепак „нема да биде доволно за целосно враќање на претходната рамнотежа токму на точката каде што бевме претходно“.
– Дури и под низа многу поволни услови, ќе бидат потребни најмалку два месеци за да се обнови функционирањето на синџирите на снабдување, и тоа на пониски нивоа од претходно. Затоа што ако ги гледаме енергетските инфраструктури на Блискиот Исток, досега се погодени 80 објекти. Една третина од нив сериозно се оштетени – објасни грчкиот министер и претседател на еврогрупата.
За Европа, посочи дека е „помалку ранлива во споредба со 2022 година“ во однос на диверзификацијата на енергетските извори и инвестициите во инфраструктура.
МИА
Ново на Сител
-

Koшта: Проширувањето на ЕУ служи за зајакнување на Европа, како отпорна економска сила и сила за мир
-

Измамници ја користат видео играта GTA VI за да крадат пари и податоци од гејмерите
-

Побаран притвор за охриѓанецот кој ја претепа својата девојка - се товари за три кривични дела
-

Мицкоски со осуда за нападот врз девојката во Охрид: Ќе сториме сè сторителот да одговара пред правдата
-

Попладнево повторно приведен Корабоски – нови околности во случајот
-

Чеферин гостин на Омерагиќ, заедно ќе го следат дуелот Македонија – Словенија
-

МФ: Јавниот долг во 2027, во согласност со ревидираните податоци за БДП, нема да го надмине прагот од 60%
-

Родителите со две ќерки се најсреќни, покажува научна студија на речиси 50.000 луѓе
