Поскапи горива од полноќ

Од полноќ поскапуваат горивата. Новите цени ќе бидат поскапи од два до два и пол денари, одлучи денеска Регулаторната комисија за енергетика. 

Еуросупер БС-95 поскапува за два денари, а малопродажните цени на ЕУРОСУПЕР БС-98 и на дизелот се зголемуваат за 2,50 ден/лит. Се зголемува и малопродажната цена на мазутот за 0,846 ден/кг кој сега ќе се продава по цена од 50,814 ден/кг. 

Единствено се намалува цената на Екстра лесното масло за домаќинство за 0,50 ден/лит.

Согласно оваа одлука, новата цена на ЕУРОСУПЕР БС -95 ќе биде 87 денари за литар, ЕУРОСУПЕР БС 98 ќе с епродава по цена од 89 денари/литар, а дизелот по цена од 92 денари/литар. Новата цена на Екстра лесно масло за домаќинство ќе биде 93,50 денари/литар.

Новите цени се зголемени во просек за 1,84% во однос на одлуката од минатиот понеделник. 

Владата во саботата на вонредна седница донесе одлука до 1 јуни да продолжат мерките за ублажување на последиците од кризата на Блискиот Исток. 

МИА