Потвредено обвинението против осомничените за убиството на Данка Илиќ, се бара доживотен затвор
Вишиот суд во Зајечар го потврди обвинението против Дејан Драгијевиќ и Срѓан Јанковиќ, обвинети за убиството на двегодишното девојче Данка Илиќ, пренесува Индекс.
Судот донесе решение со кое го потврди обвинението, кое има право на жалба до Апелациониот суд во Ниш. Обвинителството на 24 септември го испрати на потврда обвинителниот акт против осомничените. Обвинителството во обвинителниот акт предложи судот да ги осуди на доживотен затвор Дејан Драгијевиќ и Срѓан Јанковиќ.
Се сомневаат дека Дејан Драгијевиќ и Срѓан Јанковиќ на 26 март во Бањско поле кај Бор со автомобил ЈКП „Водовод“ каде што биле вработени удриле двегодишно девојче, а потоа го внеле во возилото. Се сомнева дека нејзиното тело било фрлено во депонија, од каде подоцна било преместено.
Телото на девојчето сѐ уште не е пронајдено.
Радослав Драгијевиќ е осомничен дека му помагал на синот да го премести телото на девојчето.
Братот на Дејан Драгијевиќ, Далибор почина на 7 април во просториите на полициското одделение во Бор при приведување. Обвинението ги товари Срѓан Јанковиќ и Дејан Драгијевиќ за кривично дело учество во тешко убиство, а Радослав Драгијевиќ за кривично дело помагање на криминалец по извршување на кривично дело и непријавување на кривичното дело и сторителот.
Во обвинението за убиството на Данка Илиќ, до кое дојде Телеграф.рс, стои и изјавата на Далибор Драгијевиќ од полицијата во која тој го обвини својот брат дека го убил детето.
Тој на 6 април бил сослушан и рекол дека брат му Дејан Драгијевиќ на 26 март бил на работа во Водовод каде работел прва смена од 7 до 15 часот, а тој ден дошол дома во 15 часот и 30 минути.
-Колку што се сеќавам, на 28 април после 16 часот, Дејан дојде дома со своето сино пежо 3072 и потоа видов бела торба во багажникот на неговиот автомобил. Го прашав што има во неа, а тој ми кажа дека во него се наоѓа дете, рече Драгијевиќ.
Ново на Сител
-
Подметнат пожар на локалитетот Мушов Гроб
-
МВР на Србија: Во писмо за министерот Дачиќ пронајдени три куршуми
-
Мицкоски: Имаме над 27 проценти повеќе откупени земјоделски производи споредено со истиот период лани
-
Шеснаесет пливачи и пливачки ќе учествуваат на 38. Охридски пливачки маратон
-
Калас: Путин се потсмева на мировните напори за Украина
-
Донација на специјално возило работно АТВ за Општина Илинден
-
За викенд нестабилно време со локален пороен дожд, грмежи и засилен ветер
-
Целосно изгаснати пожарите во Општина Желино