Приведен кавадарчанец кој со остар предмет им се заканувал на сограѓанин и малолетник
Приведен бил кавадарчанец кој со остар предмет им се заканувал на сограѓанин и малолетник, информираат денеска од Секторот за внатрешни работи - Велес.
-Синоќа во 23:25 часот, полициски службеници од ОВР - Кавадарци го лишија од слобода Д.С., на возраст од 29 години. Околу 22:30 часот, тој се обидел со остар предмет да го нападне А.И., 29-годишно лице од Кавадарци, по што околу 23:10 часот во парк во градот, пред повеќе малолетници, со остар предмет се заканил на еден малолетник, појаснуваат од СВР - Велес.
Д.С. бил задржан во полициска станица, а предметот бил пронајден и одземен. Известен бил јавен обвинител и по документирање на случајот, како што се истакнува, против Д.С. ќе биде поднесена соодветна пријава.
Од СВР - Велес информираат и дека вчера во 12:45 часот, полициски службеници од ОВР - Кавадарци ги привеле С.Д., на возраст од 28 години од Неготино и Ј.Ф., 22-годишно лице од Кавадарци, затоа што на кавадаречки пазар го нарушиле јавниот ред и мир со меѓусебна физичка пресметка.
-По документирање на настанот, против нив ќе бидат поднесени соодветни пријави, додаваат од СВР - Велес.
МИА
Ново на Сител
-
Бутел со пет нови играчи во составот за новата сезона
-
Тошковски: Безбедноста во сообраќајот е приоритет за МВР, продолжуваат засилените контроли
-
ЦУК: Од 13 пожари за 24 часа, 12 се изгаснати, еден под контрола
-
Втора седница на Советот за безбедност во вила „Водно“
-
Бројот на жртви од вчерашниот руски напад врз Киев се искачи на 26
-
Трамп и воведе царина од 15 отсто на Македонија
-
Без вода дел од Општина Карпош
-
За влез и излез од државава се чека околу 45 минути