Приведени седум лица за семејно насилство во последното деноноќие

На 03.06.2026 во 14:35 часот во Скопје, на подрачјето на Карпош, полициски службеници од СВР Скопје го лишија од слобода Б.М.(45) од Скопје, постапувајќи по претходна пријава дека физички го нападнал неговиот 75-годишен татко. 

На 02.06.2026 во 23:00 часот во прилепско село, полициски службеници од ОВР Прилеп лишија од слобода 49-годишен маж, постапувајќи по претходна пријава од неговата 42-годишна сопруга дека физички ја нападнал во семејниот дом. 

На 03.06.2026 во 12:40 часот, полициски службеници од ОВР Гостивар лишија од слобода 40-годишна жена од гостиварско село, постапувајќи по претходна пријава од нејзиниот 52-годишен сопруг дека околу 07:30 часот, по кратка расправија во семејната куќа, физички го нападнала, при што искршила дел од покуќнината и му го оштетила мобилниот телефон. 

На 04.06.2026 во 00:30 часот во Неготино, полициски службеници од ОВР Неготино го лишија од слобода В.В.(65) од Кавадарци, постапувајќи по претходна пријава дека во домот им се заканувал и физички ги нападнал неговата 53-годишна партнерка и нејзиниот 21-годишен син. В.В. бил задржан во полициска станица и известен бил јавен обвинител.

На 03.06.2026 во 19:05 часот во Велес, полициски службеници од СВР Велес го лишија од слобода И.М.(49) од Велес, постапувајќи по пријава дека по претходна расправија физички ја нападнал неговата 47-годишна сопруга. Тој бил приведен во полициска станица и известен бил јавен обвинител. 

На 03.06.2026 во 19:25 часот, полициски службеници од СВР Куманово го лишија од слобода М.М.(40) од Куманово, постапувајќи по претходна пријава дека околу 16:00 часот во семејниот дом во Куманово физички ја нападнал неговата 37-годишна сопруга. 

На 03.06.2026 во 13:30 часот, полициски службеници од СВР Куманово го лишија од слобода О.З.(46) од Куманово, постапувајќи по претходна пријава дека во семејниот дом се однесувал агресивно и упатувал закани кон неговата 68-годишна мајка. 

Се преземаат мерки за расчистување на случаите и по нивно целосно документирање против сторителите ќе бидат поднесени соодветни пријави.