Приведени три лица за управување возило под дејство на алкохол

На 22.08.2025 во 22:50 часот на крстосница од ул.„Народна револуција“ и ул.„Тоде Думба“ во Куманово, полициски службеници од СВР Куманово го лишиле од слобода Д.Ј.(44) од с.Биљановце, кумановско. При сообраќајна контрола, полициските службеници запреле патничко возило „Цитроен“ со кумановски регистарски ознаки, кое го управувал и по преземени мерки било констатирано дека го управувал возилото под дејство на алкохол, односно му биле измерени 1,96 промили алкохол во крвта. 

На 23.08.2025 во 02:59 часот на ул.„Ленинова“ во Куманово, полициски службеници од СВР Куманово го лишиле од слобода Б.М.(51) од  Куманово. При сообраќајна контрола, полициските службеници запреле патничко возило „Ауди“ со кумановски регистарски ознаки, кое го управувал и по преземени мерки било констатирано дека го управувал возилото под дејство на алкохол, односно му биле измерени 2,04 промили алкохол во крвта.

На 22.08.2025 во 21:10 часот во Кочани, полициски службеници од ОВР Кочани го лишиле од слобода Е.Д.(47) од Кочани. При сообраќајна контрола, полициските службеници запреле возило кое го управувал Е.Д. и по преземени мерки било констатирано дека го управувал возилото под дејство на алкохол, односно му биле измерени 1,59 промили алкохол во крвта.  
Лицата биле задржани во полициска станица и по целосно документирање на случаите против нив ќе бидат поднесени соодветни пријави по член 297-а од Кривичниот законик-„безобѕирно управување со моторно возило“.