„Разговори за иднината во 12:05“: Нема амнестија за корумпираните политичари, незаконскиот имот мора да се одземе
Кривичните дела поврзани со политичка корупција да не застаруваат, незаконски стекнатиот имот на функционерите да се конфискува, а затворските казни да се зголемат до 15 години. Ова се дел од барањата на организаторите на „Разговори за иднината во 12:05“, кои реагираат на најавите за донесување нов Кривичен законик.
Според нив, новиот закон претставува чекор напред во борбата против корупцијата, но не дава одговор како ќе се обезбеди одговорност за претходните злоупотреби, особено по измените на Кривичниот законик од 2023 година.
Во соопштението се наведува дека тогашните измени овозможиле намалување на казните за злоупотреба на службената положба и побрзо застарување на кривичните дела. Организаторите тврдат дека околу 800 поранешни и сегашни функционери имаат корист од ваквите законски решенија.
Тие предлагаат во Кривичниот законик да се воведе нов член 112-а, со кој ќе се предвиди незастарливост на кривичниот прогон и конфискацијата на противправно стекнатиот имот за дела поврзани со корупција сторени од избрани и именувани лица, како и од јавни и државни службеници кои располагаат со буџетски средства.
Дополнително, бараат зголемување на затворските казни за противправно стекнување и прикривање имот. Предлогот предвидува минималните казни да се зголемат од шест месеци на три години и од една на пет години, а максималните од пет на десет и од осум на 15 години.
Третото барање е донесување посебен Закон за потекло на имот, со кој ќе се овозможи испитување на имотот на сегашните и поранешните функционери, како и на членовите на нивните потесни семејства.
„Борбата против политичката корупција не смее да се сведе на гола реторика“, порачуваат организаторите, барајќи конкретни мерки за одговорност и одземање на незаконски стекнатиот имот.
Ново на Сител
-

Инстант лоз „Мега милионер“ – гребни ја шансата за милионска добивка
-

Неуспешно лансирање: Ракетата „Вулкан“ откажа и уништи 40 сателити на „Амазон“
-

Мајката на претепаната Сара од Охрид тврди: „Барал нож да ја докрајчи, сакал да ја фрли во провалија“
-

Македонските фудбалери ја пречекуваат Словенија во последното коло од Лигата на нации
-

Отпорноста на лекови би можела да убие 39 милиони луѓе во следните 25 години, предупредува СЗО
-

Мицкоски во Брисел на средба со Герт Јан Копман, во фокус европската перспектива на Македонија и реформите
-

МВР со детали за нападот врз 26-годишната Сара: Насилникот доби кривична и мерки на претпазливост
-

Сашко Кедев влезе во Гинисовата книга на рекорди како највозрасен човек кој ги искачил сите 14 врвови над 8.000 метри
