МВР со детали за нападот врз 26-годишната Сара: Насилникот доби кривична и мерки на претпазливост
Кривична пријава е поднесена против 31-годишен охриѓанец, осомничен дека физички ја нападнал својата 26-годишна девојка и ѝ нанел тешки телесни повреди, поради кои таа завршила во болница. По инцидентот бил приведен и таткото на девојката, осомничен дека упатувал закани кон момчето и неговото семејство.
Според информациите од СВР Охрид, против К.К. (31) од Охрид е поднесена кривична пријава поради постоење основи на сомнение за сторено кривично дело „тешка телесна повреда“, согласно член 131 став 3 од Кривичниот законик.
Инцидентот се случил на 15 ноември, околу 2 часот по полноќ, по расправија меѓу момчето и неговата 26-годишна девојка од охридско. Расправијата започнала во домот на осомничениот, а продолжила во неговиот автомобил, каде што тој физички ја нападнал.
Откако го запрел возилото, осомничениот продолжил со нападот, при што девојката изгубила свест и паднала. Таа била пренесена во Општата болница во Охрид, а потоа и во болницата „Св. Еразмо“, каде што лекарите ѝ констатирале тешки телесни повреди.
Полицијата презела мерки и во 5:05 часот го лишила од слобода 31-годишниот осомничен, кој бил задржан во полициска станица. По барање на Основното јавно обвинителство, Основниот суд во Охрид му изрекол мерки на претпазливост.
Во меѓувреме, случајот добил дополнителен развој. Истиот ден, во 8:50 часот, мајката на осомничениот, Љ.К. (51), пријавила во полиција дека таткото на девојката, Љ.Ѓ. (49), преку мобилен телефон упатувал закани кон нејзиниот син и целото семејство.
По пријавата, полицијата во 13:20 часот го привела и 49-годишниот татко на девојката, кој бил задржан во полициска станица.
Од СВР Охрид информираат дека и против него ќе биде поднесен соодветен поднесок.
Ново на Сител
-

Отпорноста на лекови би можела да убие 39 милиони луѓе во следните 25 години, предупредува СЗО
-

Мицкоски во Брисел на средба со Герт Јан Копман, во фокус европската перспектива на Македонија и реформите
-

МВР со детали за нападот врз 26-годишната Сара: Насилникот доби кривична и мерки на претпазливост
-

Сашко Кедев влезе во Гинисовата книга на рекорди како највозрасен човек кој ги искачил сите 14 врвови над 8.000 метри
-

Претреси во Неготино, пронајдена дрога, приведени две лица
-

„Алта банка“ оди на продажба: Народната банка бара нов сопственик за 95 отсто од акциите
-

„Тешко е да се биде оптимист“ - Гутереш не гледа скор крај на војната во Украина
-

Искра Хаџи Василева денеска ја презема функцијата шефица на ОЈО ГОКК
