„Ролинг Стоунс“ го најавија новиот албум и неговиот наслов

Британската рок-група „Ролинг стоунс“ официјално го потврди нивниот нов музички проект, т.е. излегувањето на албумот „Foreign Tongues (странски јазици)“. Ова доаѓа по месеци на навестување од страна на бендот, преку мистериозни билборди и објави, што предизвика гласини дека бендот ќе издаде нов албум – нивен прв по „Hacney Diamonds“ награден со „Греми“ во 2023 година.
Членовите на рок-составот, Мик Џегер, Рони Вуд и Кит Ричардс ги споделија уметничките дела како делови од омотот на албум – при што секој музичар објави различен дел од корицата. Џегер сподели слика од долниот дел од корицата и покажа илустрација на она што изгледа како неговата уста и брада. Вуд го сподели средниот дел од корицата којшто ги открива неговите очи и нос. Ричардс ја комплетираше сложувалката и ја сподели горната половина со илустрација на главата – малку разбушавена коса и разнобојна марама.
Неофицијално, албумот излегува на 10 јули.
Во петокот, бендот сподели и дел од неименувана песна преку видео од 13 секунди до своите 4,2 милиони обожаватели, на коешто се гледа нивното препознатливо лого со црвени усни и исплазен јазик на подвижна позадина. Гласините за нова музика првпат беа предизвикани минатиот месец кога низ Лондон се појавија низа криптични пораки, постери и кју-ар-кодови поврзани со „лебарките“ – симболот на бендот.
Во текот на нивната повеќедецениска кариера, „Ролинг стоунс“ имаа 14 албуми број еден во Велика Британија и осум хитови број 1. Рок-групата беше примена во Куќата на славните на рокенролот во 1989 година.
МИА
Ново на Сител
-

Германија ја преполовува квотата за работници од Западен Балкан, помалку места и за Македонците
-

Факултетите ќе го платат долгот за струја
-

Вештачката интелигенција во правосудството – Помошник, не судија
-

Светска награда за „Безбеден град“
-

Историска средба меѓу Трамп, Си и Путин во Кина: „Мораме да учиме од историјата и заедно да ги решаваме проблемите“
-

СДСМ: 20 дена од скандалот со Алта банка, една недела од кривичната пријава – обвинителот Савески молчи
-

ВМРО-ДПМНЕ: Филипче и СДС со двојни аршини за Алта банка, гласни денес, а молчеа во 2023 година
-

Институтот за историја одбележува 80 години постоење
