Роналдо за напуштањето на репрезентацијата: Им се извинувам на Португалците, не треба да има олеснителни околности за казната

Португалската фудбалска ѕвезда Кристијано Роналдо, им се извини на Португалците за неговото рано заминување од репрезентацијата.

Тој е подготвен да ја прифати казната за напуштање на репрезентацијата.

– Морам да им се извинам и на моите репрезентативни соиграчи што го напуштив кампот. И покрај моето целосно губење на довербата во зборовите на тренерот како што може да потврди секој што беше присутен на тие разговори, не требаше да го направам тоа. Одговорноста е исклучиво кај мене. Уште еднаш, им се извинувам на Португалците, но за мене, кршењето на мојот збор е клучно. Чувствував дека по ова, моето понатамошно присуство во репрезентацијата само ќе ја попречи работата на тимот, па затоа го направив она што секогаш го велев „Ако не се чувствувам корисен, ќе ги спакувам куферите и ќе си заминам“. Португалската фудбалска федерација мора да ги процени последиците од моите постапки, а тие исто така мора да одлучат за казна. Верувам дека казната не треба да има олеснителни околности. Јас не сум обичен играч – јас сум капитен на тимот, а тоа е отежнувачка околност. Веќе се извинив, но разбирам дека постапките мора да имаат последици. Луѓето кои, како мене, се во фудбалот многу години знаат дека, без оглед на статусот, правилата се исти за сите, истакна Роналдо.

Тој има намера да игра уште за репрезентацијата.

– Слушам многу за проштален натпревар, за тоа како треба да ми се даде соодветна испраќање, и дека Федерацијата сака да ми ја даде оваа можност. Можам да им ветам на сите мои навивачи, а особено на Португалците, дека ќе одиграм еден или повеќе натпревари за збогување. Сè уште ќе има време за тоа. Но, кога размислувам за националниот тим, пред сè мислам на борба и победи. Токму тоа го мислев денот кога бев информиран за смртта на мојот татко. Бев со националниот тим и решив да останам таму до крајот на натпреварот следниот ден. За мојата земја, направив она што никогаш не би го направил за ниту еден клуб. Затоа, ако сум физички подготвен, играм за мојот клуб и се надевам дека постигнувам голови, тогаш по отслужувањето на суспензијата, како што отсекогаш сум бил до денес, ќе бидам подготвен да играм и да победувам за нашиот национален тим. Верувајте ми, ова е апсолутната вистина, рече Роналдо.

За потсетување, 41-годишниот Роналдо го напушти кампот на репрезентацијата на Португалија откако главниот тренер Жорже Хесус го прати на 30-минутно загревање, па не го стави на теренот за натпреварот од Лигата на нациите против Норвешка на 27 септември.

МИА