Рубио: Куба веќе „падна“ и е пропадната држава

Американскиот државен секретар Марко Рубио изјави дека Куба е пропадната држава со нефункционална економија и влада, оценувајќи дека нејзиниот политички и економски систем веќе целосно потфрлил.
Во интервју за „Фокс њуз“, Рубио истакна дека на земјата ѝ е потребен период на транзиција кон поголеми политички и економски слободи.
– Вистината е дека Куба веќе падна. Таа нема функционална економија и со неа управуваат луѓе кои продолжуваат да зборуваат за некаква револуција што е мртва веќе 20 години – рече Рубио, нагласувајќи дека кубанскиот политички модел не успеал да изгради одржлива држава.
Според него, според сите параметри станува збор за пропадната држава.
– Проблемот со кој Куба во основа се соочува во моментов е тоа што таа е пропадната држава во секоја смисла на зборот. Тоа не е функционална влада и не е функционална земја. Едноставно не е – додаде тој.
Како директна последица и доказ за драстичниот неуспех на системот, американскиот државен секретар ја посочи масовната миграција, напоменувајќи дека од 2021 година досега речиси 20 отсто од населението ја напуштило земјата.
Рубио оцени дека само економските реформи нема да бидат доволни за суштинско подобрување на состојбите на островот, туку тие мора задолжително да бидат проследени со политички слободи.
– Се надеваме дека Куба ќе избере поинаков пат. Всушност, не можете да имате економска слобода во Куба ако претходно немате политичка слобода. Мора да се случуваат и двете, барем истовремено, а за тоа ќе биде потребен период на транзиција – истакна Рубио.
МИА
Ново на Сител
-

Не застанал на полициски знак, удрил во службено возило, па нападнал полицајци во Липково
-

Насилство во автобус во Драчево: 27-годишник нападнал патници, возач и полицајци, оштетил и возило
-

Тошковски: За десет месеци 33 загинати помалку во сообраќајот
-

Извештај на ЕК: Македонија е целосно усогласена со ЗНБП и ги засили напорите за Реформската агенда, остануваат уставните измени
-

Добра вест: Обезбедена е „Трикафта“ за сите 126 пациенти со цистична фиброза
-

11 возачи приведени во изминатото деноноќие – Осум управувале без возачка дозвола, тројца под дејство на алкохол
-

ФЗОМ ги засилува контролите во здравствените установи за спречување неоснована наплата на здравствени услуги
-

Изгореното тело во автомобилот во Богданци е на 17-годишна девојка – неофицијално, момчето ја убило, па се обесило
