Рубио му порача на својот индиски колега: Сите бродови во Ормуската Теснина мора да ги следат наредбите на САД

Американскиот државен секретар, Марко Рубио, му порача на својот индиски колега Субраманјам Џајшанкар дека сите трговски бродови во Ормуската Теснина мора веднаш да ги почитуваат наредбите на американските сили, објави синоќа американскиот Стејт департмент.

По телефонскиот разговор меѓу двајцата функционери, Рубио рече дека „сите комерцијални бродови треба веднаш да ги почитуваат наредбите на американските сили“ во овој стратешки важен морски премин.

Тој, како што се додава во соопштението, нагласи дека „нема да се толерираат кршењето на американската блокада на иранските пристаништа и нелегалниот транспорт на иранска нафта“.

Разговорот меѓу шефовите на дипломатиите следеше по американскиот напад врз танкер за нафта во Ормуската Теснина во кој загинаа тројца индиски морнари, предизвикувајќи остра реакција од Њу Делхи.

Индискиот министер за надворешни работи Џајшанкар рече дека во разговорот со Рубио „го повторил силниот протест на Индија“ поради инцидентот, наведувајќи дека „таквите смртоносни дејствија против цивилниот брод не се оправдани“.

Индија претходно официјално протестираше до Вашингтон и побара објаснување во врска со нападот во кој загинаа тројца нејзини граѓани.

МИА