Русија забрани извоз на петрохемиски производи

Владата на Русија привремено забрани извоз на одредени видови петрохемиски производи, со исклучок на земјите од Евроазиската економска унија (ЕАЕУ).

Привремената забрана е воведена за да се обезбеди стабилно снабдување со суровини за домашните индустриски претпријатија.

Забраната е воведена на три месеци, а ги опфаќа испораките на катран од јаглен и нафтен бензен, толуен, ортоксилен, параксилен и фенол.

Овие производи се користат, меѓу другото, во производството на бои и лакови за автомобилскиот и авијацискиот сектор, бродоградбата и железничкиот сектор, како и во производството на пакување храна, материјали за подови и изолација на кабли и во медицинските производи.

Покрај земјите од ЕАЕУ, руската влада ги ослободи од данок на петрохемиските производи во меѓународните транзитни пратки, за меѓународна хуманитарна помош и за пратки наменети за руски организации на норвешкиот архипелаг Свалбард.

Руските испораки на овие хемикалии веќе се предмет на санкции од Европската Унија.

МИА