Селекторот и капитенот едногласни „Одиме на победа“

Утре и во недела   на Националната арена „Тодор Проески“ во Скопје, македонската фудбалска репрезентации ќе одигра контролни натпревари против Финска и Азербејџан. 

 

Иако натпреварите се од пријателски карактер, црвено-жолтите ќе дадат максимум да остварат победи.

 

„Натпревари против Финска и Азербејџан како генерална проба пред квалификациските натпревари во март. Секако ќе пробаме различни варијанти кои ќе ни бидат во функција за сето она што не очекува на квалификациските мечеви. Не случајно инсистирав да играме со квалитетни противници. Натпреварот ќе ни покаже или ќе ни даде насока и правец што би требало да се промени или да се задржи за она што не очекува и во групната фаза. Знаете дека имаме квалитетна група и затоа ни се потребни овие контроли со квалитетни противници“, изјави селекторот Благоја Милевски.

Мислењето на селекторот го дели и капитенот Стефан Ристовски кој додаде: „„Приоритет на секој играч е да се победи, особено кога се игра за репрезентацијата. Не познавам некој играч кои сака само да впише минутажа. Без разлика на минатите резултати, секој меч ни е добродојден и низ вакви натпревари да се крене самодовербата. Многу е лесно да се изгуби самодоверба, но тешко е да ја добиеш. Затоа се потребни вакви натпревари“.

 

Утрешниот натпревар против Финска ќе започне од 18 часот, а неделниот против Азербејџан во терминот од 14 часот.