Шкендија ја завери есенската титула во Струмица

Лидерот на табелата Шкендија продолжува со победите и славеше со 1-0 на гостувањето кај Академија Пандев и ја зголемија предноста на 6 бода пред Шкупи и македонија ЃП. 

Единствениот гол за гостите го постигна Елези во второто полувреме. 

Во Велес  Борец го совлада Силекс со 2-0   а клучниот момент се случи во 6. Минута кога Силекс остана без капитенот Тимовски поради играње со рака по што Прелчец реализираше пенал за водство од 1-0.  Веќе во 13-тата минута Марјан Ристовски го постави конечниот резултат на оваа средба. 

Во Битола минимална победа за Пелистер од 1-0  а трите бода против Беласица  дојдоа со погодокот во финишот на младиот Талевски со што битолчани ставија крај на лошата серија. 

Немаше победник во дербито помеѓу скопските ривали Вардар и Македонија ЃП кое заврши со резултат 2-2.  Црвено –црните беа на прагот на победата и водеа со 2-0 со головите на Мирчевски и Цветановски но лавовите во фантастично второ полувреме со головите на Халид и Божиновски  се спасија од пораз. 

ФУДБАЛ ПРВА ЛИГА      17.коло

Ренова – Шкупи 0-0

Вардар – Македонија ЃП  2-2

Струга ТЛ-Работнички 2-1

Пелистер – Беласица 1-0

Борец – Силекс 2-0

А.Пандев – Шкендија 0-1