Симовски: Дадовме солиден отпор против светскиот вицепрвак

Македонската одбојкарска репрезентација со пораз од 3:0 во сетови од светскиот вицешампион Бугарија го почна настапот на Европското првенство што денеска стартуваше во Софија.

-  Игравме против светскиот вицепрвак, во Софија на нивни терен, пред нивна публика пред полна сала. Дадовме солиден отпор. Имавме наши моменти, добри моменти, но и лоши моменти, кога не можевме да го смениме нивниот сервис што беше клучен факт да се избориме за сет или бод. Беше добар натпревар, имаме добар почеток, а веќе ни следи нов дуел против Украина, изјави по дуелот македонскиот репрезентативец Филип Савовски.

Следниот натпревар македонската одбојкарска репрезентација го игра во петок на 11.септември против Украина со почеток во 15 часот. 

МИА