Син го претепал таткото и му се заканувал дека ќе го убие

Основното јавно обвинителство Тетово поведе постапка и против 32-годишник осомничен дека при вршење семејно насилство сторил кривични дела – Телесна повреда од член 130 став 2 во врска со став 1, како и Загрозување на сигурноста од член 144 став 3 во врска со став 1 од Кривичниот законик.

На 19 јули, во семејниот дом во Тетово, осомничениот телесно го повредил неговиот татко, удирајќи го со тупаници по главата и телото, објави 4news.mk 

Кога оштетениот успеал да избега и да се засолни во другата соба, осомничениот продолжил да му се заканува дека ќе го убие.

Во однос на овој осомничен, јавниот обвинител до Судот достави предлог за определување мерки на претпазливост – забрана за напуштање на живеалиште/престојувалиште, обврска да се јавува во Судот, привремено одземање на патната исправа и забрана за приближување и воспоставување контакти со оштетениот.