Скопската вода безбедна за пиење и со добар квалитет

Скопската вода е безбедна за пиење и со добар квалитет, покажале најновите анализи спроведени од Јавното претпријатие „Водовод и канализација“ - Скопје.

Информирајќи попладнево за дневни - мониторинг активности за испитување на квалитетот и безбедноста на водата за пиење, од јавното претпријатие посочија дека денеска од страна на секторот Санитарна контрола биле земени 43 примероци од водоводната мрежа на град Скопје, од кои пет примероци од бунарскиот потег Нерези-Лепенец.

- Согласно добиените резултати од испитувањата, сите примероци од водоснабдителниот систем на град Скопје одговараат на Правилникот за барања за безбедност и квалитет на водата за пиење - пишува во соопштението. 

МИА