Сопружници во бракоразводна постапка се тепале меѓусебно, па се пријавиле во полиција

Сопружници од Скопје, кои се во бракоразводна постапка, меѓусебно се пријавиле во полиција за физички напад по инцидент во семејниот дом на подрачјето на Бит Пазар.

Како што информира МВР, синоќа во 19:40 часот полициски службеници од СВР Скопје извршиле службен разговор со 50-годишен маж од Скопје.

Полицијата постапувала по претходна пријава дека околу 15:00 часот, во семејниот дом на подрачјето на Бит Пазар, 50-годишникот физички ја нападнал својата 38-годишна сопруга, со која е во бракоразводна постапка.

Од друга страна, и 50-годишниот скопјанец пријавил дека бил физички нападнат од сопругата, која, според неговата пријава, фрлала разни предмети кон него.

Од МВР информираат дека се преземаат мерки за целосно расчистување на случајот.