СП Русија: „Мина“ за Сенегал, Колумбија и Јапонија во осминафинале!

Вистинска драма на попладневните дуели на СП во Русија. Пласманот по постигнатите резултати го одлучуваа жолтите картони со што Сенегал се враќа дома а борбите ги продолжуваат Колумбија и Јапонија.

Јапонците загубија со 1-0 од селекцијата на Полска која и покрај загубените шанси одигра мотивирано и славеше прва мундијалска победа во Русија со погодокот на Јан Беднарек во 59-тата минута.

Сенегал сам си ја кроеше судбината но прими гол во 74м. кога Мина одлично скокна и донесе радост за Колумбија која со 6 бода патува во осминафиналето.

Јапонија и Колумбија во осминафиналето ќе играат со Белгија односно Англија кои го решаваат првото место во својата група вечерва.