СПМ: Македонскиот идентитет и јазик се реалност, не треба да биде предмет на оценки и дебати

Социјалистичката партија на Македонија истакнува дека македонскиот идентитет и јазик се реалност, постојат со векови и тоа не треба да биде предмет на оценки и дебати кои некои сакаат деновиве да ги наметнат во европските институции.

Бугарската срамна стратегија со уцени и блокади да ги асимилира и потчиини  Македонците нема никаква,можност да помине под било какви форми на притисок и закани. Целта на Бугарија е да го загрози и ограничи суверенитетот бидејќи прифаќањето на бугарските толкувања на историјата и идентитетот ги поткопува македонските национални интереси.

СПМ укажува дека борбата за македонските права мора да продолжи зошто од тоа зависи опстанокот на Македонската нација и држава. Меѓусебното почитување на државите се основ за меѓународна соработка. Ниту една Унија нема вредност ако сака да гази по идентитетските чувства, јазикот, историјата и културата на Македонија.
Европската Унија е во криза со сопствени проблеми и во фаза на милитаризација со што ги руши сопствените критериуми и вредности на кои е воспоставена. Со тоа ја губи реалноста и станува се помалку интересна кај граѓаните  за зачленување. 

СПМ Повторува дека влезот во ЕУ не може и не смее да биде по цена на губење на идентитетот, јазикот, историјата и културата на Македонија и за тоа државата и сите граѓани мора да се борат против бугарскиот историски ревизионизам, негирањето на македонското и принудно да се прифати бугарска верзија со цел да стане доминантна сила на Балканот и да ја ограничи македонската сувереност. Империјалните и  фашизоидни идеи и блокади се со цел Бугарија да ја држи Македонија како заложник во преговорите за ЕУ, барајќи отстапки и целосоно да влијае во системот и во државаната политика на Македонија.

СПМ укажува дека државата Македонија треба да се подготвува и за еднострано укинување на протоколите, но и да презема акции за нови преговори за ревизија или неутрализирање на штетните делови од протоколите.
Со градење на нова стратегија и комбинација на дипломатски притисок, правни чекори и со поширока меѓународна поддршка би се градела долгорочна активна позиција на Македонија во меѓународни рамки.

Социјалистичка партија на Македонија