Средношколци и пратеници во Собранието ќе дебатираат за дезинформациите, социјалните мрежи и влијанието на вештачката интелигенција

Средношколци и пратеници денеска во Собранието ќе дебатираат за начинот на кој младите се информираат, влијанието на социјалните мрежи и инфлуенсерите врз нивното мислење, како и за препознавањето на дезинформациите и содржините создадени со вештачка интелигенција.
Дебатата под наслов „Што гледаш, кому веруваш? – Младите, информациите и дезинформациските кампањи“ што го организира Институтот за комуникациски студии (ИКС), во соработка со Собранието преку Парламентарниот институт и Клубот за младински прашања и политики, е замислена како директен дијалог меѓу средношколците и пратениците, со цел да се слушнат искуствата, навиките и предизвиците со кои се соочуваат младите во дигиталниот простор.
Во фокусот на дискусијата ќе бидат улогата на социјалните мрежи, креаторите на содржини и инфлуенсерите во обликувањето на ставовите на младите, како и нивната способност да препознаат дезинформации, манипулативни пораки и содржини генерирани со вештачка интелигенција.
Ќе се разговара и за тоа дали актуелните наставни програми одговараат на новите информациски предизвици и какви образовни политики и решенија се потребни за унапредување на медиумската писменост.
Основа за дискусијата ќе бидат домашни и регионални истражувања за медиумската писменост и информациските навики на младите, како и актуелни практики во формалното и неформалното образование.
Поздравни обраќања ќе имаат претседателот на Собранието, Африм Гаши и британската амбасадорка Маја Сивањанам.
Во дебатата ќе учествуваат средношколци од седум училишта од Скопје, Прилеп, Валандово, Велес и Липково, заедно со пратеници и претставници на институциите и организациите вклучени во настанот.
МИА
Ново на Сител
-

Ужас во Скопје: Mажи на возраст од 47 и 62 години силувале дете помало од 15 години
-

Норвешка има „Глобален државен пензиски фонд“ вреден над 2.000 милијарди долари – теоретски по 400.000 долари по жител
-

Андоновски: Оние што ќе ја користат вештачката интелигенција, ќе напредуваат побргу, другите ќе стагнираат
-

Сајбер-безбедноста под закана: Јужна Кореја свика итен состанок поради откриени пропусти во Java
-

Крај за рампите на патарините во Македонија? Се подготвува електронска наплата според поминатите километри
-

„Сите ќе умреме уште вечерва“ – Цанов објави пораки од Ива Михаилова и мајка ѝ во кои го молат да ги избрише снимките
-

Во Македонија има поголем удел на странски студенти отколку во ЕУ, секој десетти студент е странец
-

Димоглиду за иранската мрежа: Главниот товар на истрагата го имаа безбедносните служби на Северна Македонија
