Супер ефикасно во првите осум средби од Лигата на шампионите - денеска, дерби дуели во Неапол и Милано

23 постигнати голови на осумте средби од првата рунда во групната фаза на во Лигата на шампионите, е одлична најава за она што може да го очекуваме во елитното фудбалско натпреварување

 

Само еден од осумте натпревари заврши без победник и тоа дуелот меѓу Салцбург и Милан во кој беше постигнат по еден гол на двете страни. Во истата Е група големо изненадување приреди Динамо кој во Загреб го победи Челзи со 1-0. 

 

Актуелниот шампион Реал Мадрид забележа сигурна победа на гостувањето кај Селтик со 3-0, а со ист резултат Борусија во Дортмунд го совлада Копенхаген.

 

По четири гола и тоа на гостински терен постигнаа екипите на Шахтјор и Манчестер Сити. Украинскиот тим славеше со 4-1 кај Лајпциг, а Сит со 4-0 ја совлада Севилја. 

 

Во последната Х група, на триумфи се радуваа домашните екипи и тоа Бенфика која со 2-0 ја победи Макаби Хаифа, односно во првото големо дерби ПСЖ со головите на Мбапе во првиот дел славеше против Јувентус со 2-1. 

 

Е група: ДИНАМО З. - ЧЕЛЗИ  1-0 и  АЛЦБУРГ - МИЛАН    1-1

Ф група: СЕЛТИК - РЕАЛ М.  0-3 и РБ ЛАЈПЦИГ - ШАХТЈОР ДОНЕЦК    1-4
Г група: БОРУСИЈА Д. -   КОПЕНХАГЕН    3-0 и СЕВИЉА -  МАНЧЕСТЕР С.  0-4
Х група: БЕНФИКА - МАКАБИ ХАИФА  2-0 и П. С. Ж. - ЈУВЕНТУС    2-1

 

Денеска на програмата се нови осум средби, а дерби дуели ќе се играат во Италија, каде Наполи на Ељиф Елмас е домаќин на Ливерпул, а Интер во Милано го пречекува минхенски Баерн. 

А група:  АЈАКС – Г. РЕНЏЕРС 18:45 часот и НАПОЛИ – ЛИВЕРПУЛ 21:00 часот
Б група: КЛУБ БРИЖ – БАЕР Л. 21:00 и АТЛЕТИКО М. – ПОРТО 21:00 
Ц група: ИНТЕР – БАЕРН М. 21:00 и БАРСЕЛОНА – ПЛЗЕН 21:00 
Д група: АЈНТРАХТ – СПОРТИНГ Л. 18:45 и ТОТЕНХЕМ – О. МАРСЕЈ 21:00