СЗО: Повеќе од четири напади дневно врз здравствени установи во конфликтни зони во 2026 година

Повеќе од 900 напади врз здравствени установи, здравствени работници и пациенти се регистрирани во конфликтните зони низ целиот свет од почетокот на оваа година, што во просек е повеќе од четири напади дневно, објави денеска Светската здравствена организација (СЗО).

Во тие напади загинаа најмалку 900 луѓе, а повеќе од 1.400 беа повредени.

Податоците на СЗО, што беа презентирани во Женева од директорот на агенцијата за хуманитарни операции и управување со катастрофи, Алтаф Мусани, покажуваат дека најголемиот дел од пријавените напади се однесува на Украина, Либан и окупираните палестински територии.

МИА