Теорија на заговор: Синот на Доналд Трамп е патник низ времето

Детски роман од 1893 година од американскиот писател Ингерсол Локвуд повторно ја разгоре теоријата на заговор дека синот на Доналд Трамп, Барон Трамп е патник низ времето…
Книгата „Чудесното подземно патување на Барон Трамп“ го следи богатото момче по име Барон Трамп, кое живее во замокот Трамп и тргнува на патување во Русија со придружник по име Дон. Овие имиња и мотиви беа предмет на шпекулации на социјалните мрежи во последниве години, а приказната доби ново внимание откако Лара Трамп зборуваше за тоа во својот подкаст. Сопругата на Ерик Трамп, имено, во емисијата „Вистинскиот поглед со Лара Трамп“ ги отфрли ваквите тврдења.
– Барон Трамп не е патник низ времето. Тоа е луда теорија! Го познавам Барон 18 години и го гледав како расте, рече ТВ-водителката.
Приказната и „пророчките предвидувања“ за иднината беа дополнително поттикнати и од политичкиот роман на Локвуд, „Последниот претседател“, каде што политички „аутсајдер“ од Њујорк станува претседател на САД, додека градот е во превирања по изборите. Некои интернет-корисници гледаат сличности со современите настани околу Доналд Трамп, имајќи ги предвид протестите во Њујорк по неговата инаугурација. Застапниците на теоријата, исто така, посочуваат дека чичкото на Доналд – Џон Трамп, наводно, имал пристап до трудовите на Никола Тесла, па сѐ тоа се спојува и со наводните цртежи со футуристички вселенски летала од уметникот Чарлс Делшау на коишто се наоѓа зборот „Трамп“ и броевите 45 и 47… Трамп, патем, е 45-ти и 47-ми претседател на САД.
Прашањето за патувањето низ времето останува предмет на научна фантастика и теоретска дебата. Физичарот Стивен Хокинг еднаш скептично рече: „Најдобриот доказ што го имаме дека патувањето низ времето, не е можно и никогаш нема да биде – е тоа што не сме биле преплавени од толпа туристи од иднината“.
МИА
Ново на Сител
-

Отпушок од цигара причина за пожарот во ГОБ „8 Септември“, нема повредени
-

Потпишан петгодишен протокол за соработка со Универзитетот Тракија, обука за македонските здравствени работници во Едрене
-

Синдикалната минимална кошница за ноември 70.827 денари
-

Британската војска спроведува офанзивни кибер-операции против Русија, Кина, Иран и Северна Кореја
-

28-годишник од Чаир го запалил автомобилот на мајка си, се заканувал дека ќе го запали и станот
-

Спречен нелегален внес на 2,8 тони нејодирана сол која е забранета за увоз
-

Се сопнал од кофа и паднал во необезбедено лифтовско окно – две лица и две фирми обвинети за смртта на Кристијан Љушев во Охрид
-

Поголем К-15 за работниците годинава – минималниот износ достигна 19.415 денари, рокот истекува на 31 декември
