Тешка сообраќајка во Словенија, тројца Македонци загинаа

Тројца македонски државјани загинаа, а двајца се повредени во тешка сообраќајна несреќа на автопатот во Словенија, на делницата меѓу Унец и Равбаркоманда, во правец кон Копер.

Според словенечката полиција, во несреќата учествувале камион и патничко возило со пет македонски државјани. Камионот поради дефект бил запрен во ниша покрај автопатот, кога автомобилот удрил во задниот лев дел од приколката.

На местото лекар констатирал смрт кај три лица. Еден од повредените е пренесен со хеликоптер во болница, а повредениот возач со возило на Итната медицинска помош.Несреќата била пријавена во 16:28 часот. Увидот е во тек, а полицијата дополнителни информации за причините и околностите ќе соопшти по завршувањето на истрагата.

Поради несреќата автопатот кон Копер е затворен, а сообраќајот се одвива отежнато со долги колони.Товарните возила се пренасочуваат кај Логатец.