ТФТ минимално го совлада МКК Куманово

Во завршниот натпревар од 6. коло во македонската кошаркарска Суперлига, ТФТ вечерва на домашен терен го совлада МКК Куманово со 89-87, во дуел со многу резултатски пресврти и драматична завршница.

Натпреварот влезе во последните 34 секунди резултатски израмнет кога Стајиќ направи грешка во нападот на гостите, а ТФТ ја доби можноста да го реши натпреварот. Сила беше сигурен од линијата за слободни фрлања и ги постави конечните 89:87, носејќи голема победа за домашниот состав.

Сила беше најефикасен во редовите на ТФТ оствари дабл-дабл ефект од 27 поени и 12 скокови, додека најистакнат кошаркар на МКК Куманово беше Гуден со 33 поени.

Со оваа победа ТФТ стигна до третиот триумф во шест одиграни натпревари, колку што има и МКК Куманово.

Мтел-Суперлига, резултати 6. коло:

Струмица 20001 – Тиквеш Голден Игл 70:75

Работнички – Кожув 83:80

Пелистер – ГКК Штип 87:92

Скопје – МЗТ Скопје Аеродром 60:79

ТФТ – МКК Куманово 89:87

ТАБЕЛА: Работнички 6/0, МЗТ Скопје Аеродром 5/1, МКК Куманово 3/3, Тиквеш Голден Игл 3/3, ТФТ 3/3, Кожув 3/3, Струмица 2001 2/4, Пелистер 2/4, ГКК Штип 2/4, Скопје 1/5.

МИА