Тошковски: Прашањето не е дали, туку кога Груби ќе се најде пред лицето на правдата во нашата држава

Се надевам предметното лице ќе покаже дека е подготвен да одговара пред лицето на правдата, да дојде и да ја потврди фразата дека е чист како солза и дека не сторил ништо на штета на државата и граѓаните. Најодговорно тврдам, согласно сите оние докази кои што ги имаме, нема да му биде лесно да докаже дека е чист како солза, посочи министерот за внатрешни работи Панче Тошковски од собраниската говорница, во одговор на пратеничко прашање во врска со бегството на поранешен вицепремиер Артан Груби.
Според Тошковски, прашањето не е дали, туку прашањето е кога предметното лице ќе се најде пред лицето на правдата во државата.
-Пријатно бев изненаден од изјавата на предметното лице во насока на тоа дека истото е на приватен или службен пат и дека само кратко ќе се задржи во друга држава, не во државата која го хранела долг временски период. Се уште се надевам дека тоа лице ќе покаже доблест и одговорност, но и дека навистина е подготвен да одговара пред лицето на правдата, да дојде и да ја потврди онаа фраза која што ја изјави дека е чист како солза и дека навистина не сторил ништо на штета на државата и граѓаните. Јас најодговорно тврдам, согласно сите докази кои што ги имаме собрано до сега, и сите оние факти кои што се утврдени во рамки на овие предистражни и истражни постапки, нема да му биде лесно да докаже дека е чист како солза, рече Тошковски.
Тој посочи дека освен овие факти, постојат индиции и за други факти кои се во насока на сторени епски криминали.
-Ќе му треба виртуозен адвокат, кој што е експерт од областа на Кривичното право, за да успее да создаде некоја теорија на одбрана. Се сомневам дека таа теорија на одбрана ќе биде аргументирана во насока на она кое што мислам дека ќе следи во иднина, во делот не само на овие факти и докази, туку постојат индиции и на други факти, кои се во насока на сторени епски криминали, додаде Тошковски.
Тој потсети дека за поранешен вицепремиер Артан Груби веќе е распишана меѓународна потерница, стапено е во билатерална комуникција со сите соседни држави, доставени се доказите кои што се во насока на обезбедување на предметното лице и негово соодветно процесуирање до органите во нашата држава.
Ново на Сител
-

Ќерката на Јованов за „Пулс“: Имаше панични светла и противпожарни апарати, сите ја користеа задната врата
-

АНБ разоткри терористичка мрежа: Се подготвувал атентат во Грција по инструкции од Иран
-

Костадиновски: Почитувањето на Уставот е чин на највисок патриотизам и љубов кон татковината
-

МВР: Од 15 ноември до 15 март задолжително е поседувањето на зимска опрема во возилата
-

Се урна српски воен авион МиГ-29, загина пилотот | ВИДЕО
-

Предложен притвор за семејно насилство во Битола
-

Најстудено утрово во Берово, најтопло во Охрид и Велес
-

Корабоски доби 30-дневен притвор по проширување на обвинението
