Трагедија во Македонија: 14-годишно девојче почина по пад од лулашка

Тешка несреќа го потресе Гостивар, откако 14-годишно девојче го загуби животот по пад од детска лулашка во градскиот парк.

Од Министерството за внатрешни работи информираат дека случајот бил пријавен на 9 јули 2026 година околу 20:20 часот во СВР Тетово, откако од Медицинскиот центар во Гостивар било пријавено дека кај нив била донесена Ш.Н. (14) од Кавадарци, која во моментот престојувала во Гостивар, но без знаци на живот.

Според досегашните информации, девојчето се здобило со тешки повреди откако паднало од лулашка во паркот. Веднаш било транспортирано во болницата, но лекарите не успеале да го спасат нејзиниот живот, а смртта била констатирана во 20:55 часот.

За случајот бил известен јавен обвинител, кој издал наредба телото на починатото девојче да биде предадено на обдукција.

Полицијата и надлежните институции преземаат мерки за утврдување на сите детали и причините што довеле до трагичниот настан.